Confirmación
Celebración da Confirmación
Entrada: (catequista)
Hoxe celebramo-la confirmación dos xoves da nosa parroquia, hoxe celebramos a súa maioría de idade na Igrexa. Hoxe deciden, personalmente, aceptar o que no plano relixioso fixeron hasta este momento os seus pais, a súa familia, os seus educadores ou os seus catequistas.
Non é o final senon o comezo dunha nova etapa da súa vida como cristiáns.
Rito da confirmación: (2 xoves)
(1) Hoxe é o día do noso compromiso, o noso primeiro compromiso como adultos cristiáns.
(2) Sabemos que hoxe é un día especial, pero, ¿sabemos qué significa este día?, ¿qué significa comprometerse?.
(1) Pois seguindo a mesma palabra, comprometerse é:
- “meterse” :
alí onde ti sabes que fas falta, inda que no sexa cómodo ni vaias recibir nada rentable, co que ti es, co que tes, coas túas cousas e co teu tempo.
(2) - “prometerse”:
atarse a outras persoas, á súa sorte, á súa vida, ás súas ledicias e tamén ás súas penas. Prometerse tamén a un mesmo un camiño, unha forma de ve-la vida.
(1) - “comprometerse”:
compartindo o camiño cos outros nunha búsqueda común, non en “solitario”, senon en “solidario”.
Peticións:
- Pedímosche, Señor, por nós, polos que hoxe decidimos estar aquí. Porque imos iniciar un camiño difícil, porque ser cristián non está de moda, porque nos van a sinalar co dedo e non podemos facer isto sós, sen Ti.
- Pedímosche que nos aprendas a ser fieis ás túas palabras, a ser testigos da túa verdade, a formar parte da túa comunidade.
- Pedímosche que nos aprendas a enfoca-las cousas e a nosa vida desde o que Ti nos mostraches, porque un testigo non convence en nome propio, senon só no teu nome. Fainos transparentes.
- Pedímosche que nos aprendas a ser testemuñas da verdade do amor que Ti nos diches, inda que nos supoña un esforzo, inda que vaia contra corrente, inda que me pida máis do que esperaba dar.
- Pedímosche polos nosos irmáns, pola nosa comunidade, pola Igrexa, que recoñezamos nela sempre estas cualidades, inda cos seus defectos e as súas debilidades.
- Pedímosche polos nosos pais, polas nosas familias e polos nosos sacerdotes, que sexan testemuñas túas sempre, como nós hoxe nos comprometemos a ser, que poidamos vernos neles e amalos como Ti o fas.
Ofertorio:
- Hoxe Xesús convidounos á súa mesa e queremos corresponderlle con algo especial : as nosas vidas.
Os momentos tristes e os bos momentos, os nosos problemas e os nosos éxitos, as nosas peticións e as nosas promesas.
- Así, Señor, ofrecemosche este pan e este viño como símbolo do noso esforzo, do traballo diario de todos os que, coa súa esperanza , se esforzan por construir un futuro mellor para todos.
- Traémosche un pouco sal, que nos lembra esas pequenas cousas boas do mundo, as que por cotidiás non valoramos tanto: un sorriso, un silencio a tempo en vez dun grito, unha axuda que non se espera, unha pequena sorpresa,...
- Presentámosche unha vela como símbolo da luz do teu Espíritu e do reflexo que facemos del cando pensamos nos demáis, cando axudamos a alguén, cando sabemos perdoar, cando levamos alegría,… cando somos capaces de ser luz no mundo, como Ti nos dixeches.
- Traémosche, Señor, auga, que representa a todo o que ven da túa man e que é para nós a mellor das bendicións: a auga, o sol, os animais e tamén as personas. Todos son os nosos irmáns, pois Ti os creaches.
- Por último ofrecemosche tamén o noso tempo simbolizado nos nosos reloxes para que nunca olvidemos onde estás Ti nin os demáis, por encima do cansancio e “do que máis nos apetece”.
Final:
Por fin chegou o ESPÍRITO
Por fin chegou.
Púxenme moi contento.
Xa non teño que traballar!
Recibín o Espíritu,
son unha nova persoa.
Un Home novo!
Unha Muller nova!
E deiteime a durmir.
E durmín un día enteiro,
e unha semana
e un ano.
Onde eu vivía decía:
Casa do Home Novo
“Non molesten”
E o chan encheuse de po
E os teitos de telarañas.
Queimouse o CD.
Non había cancións.
Mireime ó espello e estaba serio.
O Espírito seguía, debaixo do lavabo,
esperando a que me lavara.
E púxenme de novo
a varrer a miña casa cada día.
Quitei o letreiro e escribín :
“Por favor, molestenme”
E se ergueu o Espírito e díxome :
“militia est vita hominis
super terram”
e traduciumo :
“a loita é a vida do home
sobre a terra”
Baixei a cabeza
e dixen : « o tiña esquecido »
Dímonos a man outra vez.
Arranxoume o CD
e púsome unha canción que dicía:
Non se pode estar mirando ó ceo!
Non se pode estar mirando ó ceo!
Non se pode estar mirando ó ceo!
( Este é o noso momento,
de aquí en adiante decidimos nós
o tipo de persoa que queremos ser,
a vida que queremos vivir.
É o momento de decidir se vivimos só para nós nun mundo solitario,
cheo de espellos,
ou un mundo novo, un mundo mellor, un mundo para compartir.
Ese é agora o noso traballo,
a nosa aspiración,
o noso desexo para nós ,
para vós e para os que veñen detrás,
para os que nos observan,
para os que nos critican.
Non é un camiño fácil,
non é un camiño rápido,
pero é o que queremos intentar
cada un dos días da nosa vida )