Eucaristía-Misal
A SANTA MISA
A SANTA MISA
SAÚDO INICIAL
- CELEBRANTE:
No nome do Pai e do Fillo e do Espírito Santo.
- POBO : Amén
- C. A graza do noso Señor Xesucristo, o amor do Pai e a comuñón do Espírito Santo sexan con todos vós.
- P. E contigo tamén.
ACTO PENITENCIAL
- C. Irmáns, para celebrarmos dignamente os santos misterios, recoñezamos que somos pecadores.
Eu confésome pecador
diante de Deus omnipotente
e tamén diante de vós, meus irmáns,
pois teño pecado moito de pensamento,
de palabra, de obra e de omisión.
Pola miña culpa, pola miña culpa,
pola miña grandísima culpa.
Por iso lle pido á benaventurada Virxe María,
a todos os Anxos e Santos do ceo e a vós tamén,
meus irmáns, que roguedes por min
a Deus, noso Pai.
- C. (Que) Deus omnipotente teña piedade de nós,
nos conceda o perdón dos nosos pecados
e nos leve á vida eterna.
- P. Amén.
PERDÓN
- C. Ti que fuches enviado a salvar os corazóns arrepentidos :
Señor, ten piedade de nós
- P. Señor, ten piedade de nós.
- C. Ti que viñeches chamar os pecadores :
Cristo, ten piedade de nós.
- P. Cristo, ten piedade de nós.
- C. Ti que estás á dereita do Pai para intercederes por nós:
Señor, ten piedade de nós.
- P. Señor, ten piedade de nós.
GLORIA
Gloria a Deus no ceo,
e paz ao seu pobo na terra.
Noso Señor Deus, rei do ceo,
Deus Pai todopoderoso;
Loámoste, bendicímoste,
adorámoste, glorificámoste
e dámosche grazas, pola túa inmensa gloria.
Señor, Fillo único, Xesucristo,
Señor Deus, Año de Deus, fillo do Pai.
Ti, que quitas o pecado do mundo,
ten piedade de nós.
Ti, que quitas o pecado do mundo,
escoita a nosa oración.
Ti, que estás á dereita do pai,
ten piedade de nós;
porque Ti es o único Santo, Ti, o único Señor,
Ti, o único Altísimo Xesucristo,
co Espírito Santo.
na gloria de Deus Pai. Amén.
- C. Oremos. …Pedímoscho por Xesucristo… por sempre eternamente.
- P. Amén
DESPOIS DAS LECTURAS
LECTOR Lectura de…
Palabra do Señor
POBO Grazas a Deus.
EVANXEO
- C. O Señor sexa convosco.
- P. E contigo tamén.
- C. Lectura do Santo Evanxeo segundo San…
- P. Gloria a Ti, Señor Xesús.
- C. (…….) Palabra do Señor
- P. Loámoste, Cristo.
…
CREDO
Creo en Deus, Pai todopoderoso,
creador do ceo e mais da terra.
Creo en Xesucristo
e seu único Fillo, noso Señor,
que foi concibido por obra e graza
do Espíritu Santo.
e naceu da Virxe María.
Padeceu no tempo de Poncio Pilato,
foi crucificado, morto e sepultado,
descendeu aos infernos,
O terceiro día resucitou de entre os mortos,
subiu ao ceo
onde está á dereita do Pai
e de alí virá a xulgar a vivos e mortos.
Creo no Espíritu Santo, na Santa Igrexa Católica,
na comuñón dos santos,
no perdón dos pecados,
na resurrección dos mortos
e tamén na vida eterna. Amén.
…
PRESENTACIÓN DO PAN
- C. Bendicímoste, Señor, Deus do universo. Da túa bondade recibimos este pan, que é froito da terra e do traballo dos homes.
Presentámoscho agora para que se nos converta no pan da vida.
- P. Bendito sexa Deus, agora e sempre.
PRESENTACIÓN DO VIÑO
- C. Bendecímoste, Señor, Deus do universo. Da túa bondade recibimos este viño, que é froito da vide e do traballo dos homes.
Presentámoscho agora para que se nos converta na bebida da salvación.
- P. Bendito sexa Deus, agora e sempre.
- C. Pregade, irmáns, para que este sacrificio meu e voso sexa ben acollido por Deus Pai omnipotente.
- P. O Señor acolla das túas mans este sacrificio para loanza e para gloria do seu nome, para ben noso e de toda a súa Santa Igrexa.
...
- C. Pedímoscho a ti, que vives e reinas por sempre eternamente.
- P. Amén.
PREGARIA EUCARÍSTICA
- C. O Señor sexa convosco.
- P. E contigo tamén.
- C. Erguede os corazóns.
- P. Témolos postos no Señor
- C. Deámoslle gracias ó Señor, noso Deus
- P. É digno e de xusticia
…
SANTO
Santo, Santo, Santo es ti, Señor,
Deus do universo.
Enches o ceo e mais a terra coa túa gloria
Hosanna no ceo!
Bendito o que vén no nome do Señor
Hosanna no ceo!
DESPOIS DA CONSAGRACIÓN
- C. Velaquí o misterio da nosa fe.
- P. Anunciamos a túa morte, proclamamos a túa resurrección. Vén , Señor Xesús!
- C. Por El, con El e en El, a ti, Deus Pai omnipotente, na unidade do Espírito Santo, todo honor e toda gloria, por sempre eternamente.
- P. Amén
NOSO PAI
- C. Guiándonos polos consellos do Salvador e seguindo a súa doutrina, atrevémonos a dicir:
Noso Pai que estás no ceo,
santificado sexa o teu nome.
Veña o teu Reino
e fágase a túa vontade
aquí na terra coma no ceo.
Danos hoxe o noso pan de cada día;
perdoa as nosas ofensas,
como tamén perdoamos nós
a quen nos ten ofendido;
e non nos deixes caer na tentación,
mais líbranos do mal.
--------------------------------------------
C. Líbranos, Señor, de todos os males e danos a paz nos nosos días. Fai que, axudados
pola túa misericordia, vivamos sempre libres de pecado e amparados de toda desgraza. Mentres esperamos a salvación e a volta gloriosa do noso Señor Xesucristo.
P. Pois teus son o reino, o poder e mais a gloria
por sempre eternamente.
A PAZ
C. Señor Xesucristo, ti dixeches ós teus Apóstolos: “Déixovos a miña paz, douvos a miña paz”. Non mires os nosos pecados senón a fe da túa Igrexa; dígnate darlle a paz e mais a unión de acordó coa túa vontade. Pedímoscho a ti, que vives e reinas por sempre eternamente.
- P. Amén.
- C. A paz do Señor sexa sempre convosco.
- P. E contigo tamén.
- C. Dádevos a paz coma irmáns.
AÑO DE DEUS
Año de Deus que quitas o pecado do mundo,
ten piedade de nós.
Año de Deus que quitas o pecado do mundo,
ten piedade de nós
Año de Deus que quitas o pecado do mundo,
danos a paz.
COMUÑÓN
- C. Este é o Año de Deus que quita o pecado do mundo. Felices os convidados á cea do Señor.
- P. Señor, eu non son merecente de que entres no meu fogar, mais unha palabra túa abonda para me salvar
DESPEDIDA
- C. O Señor sexa convosco.
- P. E contigo tamén.
- C. Bendígavos Deus Todopoderoso: Pai, Fillo e Espírito Santo.
- P. Amén.
- C. Podedes ir en paz, e que o Señor vos acompañe.
- P. Deámoslle grazas a Deus.