X U L L O
593
Día 3 de xullo
San Tomé, apóstolo
PRIMEIRA Ef 2, 19-22
Edificados sobre o fundamento dos apóstolos
PROCLAMACIÓN DA PALABRA RECOLLIDA NA CARTA DE SAN PAULO APÓSTOLO ÓS
EFESIOS
Irmáns e irmás:
19xa non sodes estranxeiros nin xente de fóra: sodes concidadáns dos crentes e
membros da casa de Deus, 20edificados sobre o alicerce dos apóstolos e dos profetas,
sendo a pedra esquinal Cristo Xesús. 21Sobre El toda a construcción se vai erguendo ata
formar un templo santo no Señor. 22E nesa construcción tamén entrades vós, para
formardes unha morada de Deus, no Espírito.
SAL. RESP. Sal 116, 1. 2
R/ (Mc 16, 15) Ide a todo o mundo e predicade o Evanxeo
1Louvade o Señor tódalas xentes,
aclamádeo tódolos pobos.
2O seu amor connosco é firme,
a súa fidelidade dura sempre.
ALELUIA Xn 20, 29
Porque me viches, Tomé, criches, di o Señor;
ditosos os que non viron e creron
EVANXEO Xn 20, 24-29
¡Meu Señor e meu Deus!
PROCLAMACIÓN DO SANTO EVANXEO SEGUNDO XOÁN
24 Tomé, un dos doce, o chamado Xemeo, non estaba con eles cando chegou Xesús.
25Dicíanlle entón os outros discípulos:
-Vímo-lo Señor.
Pero el contestoulles:
-Como non vexa nas súas mans as furas dos cravos e non meta nelas o meu dedo; como
non meta a miña man no seu costado, non crerei.
26Oito días despois estaban outra vez dentro os discípulos, e Tomé con eles. Chegou
Xesús, estando pechadas as portas, e poñéndose no medio, dixo:
-Paz convosco.
27Despois díxolle a Tomé:
-Trae aquí o teu dedo e mira as miñas mans; trae a túa man e métea no meu costado.
Non sexas incrédulo, senón home de fe.
28Tomé respondeulle:
-¡Meu Señor e meu Deus!
29Xesús díxolle:
-¿Tes fe porque me viches? ¡Benia os que creron sen veren!
594
Día 4 de xullo
Santa Isabela de Portugal
Do común das santas (as que exerceron obras de misericordia)
PRIMEIRA 1 Xn 3, 14-18 ... n. 740, 16
SAL. RESP. Sal 111, 1-2. 3-4. 5-7a. 7b-8. 9 n. 739, 7
ALELUIA Xn 13, 34 ... n. 741, 10
EVANXEO Mt 25, 31-46 (máis longo) ou 31-40 (máis breve) ... n. 742, 13
595
Día 5 de xullo
San Antonio María Zaccaría, presbítero
Do común dos pastores ou dos santos (educadores ou relixiosos)
PRIMEIRA 2 Tim 1, 13-14; 2, 1-3 ... n. 722, 11
SAL. RESP. Sal 1, 1-2. 3. 4 e 6 ... n. 739, 1
ALELUIA Cf Mt 11, 25 ... n. 741, 4
EVANXEO Mc 10, 13- 16 ... n. 742, 16
Día 6 de xullo
Santa María Goretti, virxe e mártir
Do comús das mártires ou das virxes
PRIMEIRA 1 Cor 6, 13c-15a. 17-20
Os vosos corpos son membros de Cristo
PROCLAMACIÓN DA PALABRA RECOLLIDA NA PRIMEIRA CARTA DE SAN PAULO
APÓSTOLO ÓS CORINTIOS
Irmáns e irmás:
o corpo non é para a fornicación, senón para o Señor; e o Señor é para o corpo. 14E
Deus, que resucitou xa a Cristo, tamén nos ha resucitar a nós polo seu poder.
15¿Non sabedes que os vosos corpos son membros de Cristo? 17Pola contra, quen se
xunta ó Señor, é un mesmo espírito con El. 18Fuxide da fornicación. Calquera pecado
que o home poida cometer, cae fóra do corpo; pero quen fornica peca contra o seu
propio corpo. 19¿Ou non sabedes que o voso corpo é templo do Espírito Santo que está
en vós, porque o recibistes de Deus e que polo tanto non sodes donos de vós? 20Porque,
en verdade, compróusevos a bo prezo. Glorificade, por tanto, a Deus co voso corpo.
SAL. RESP. Sal 30, 3cd-4. 6 e 8ab. 16bc e 17 n. 715, 1
ALELUIA Sant 1, 12 ... n. 717, 4
EVANXEO Xn 12, 24-26 ... n. 718, 5
Día 10 de xullo
Beatos Xoán Xacobo Fernández e compañeiros, mártires
Na diócese de Ourense, memoria
Do común dos mártires
597
Día 11, de xullo
San Bieito, abade, patrono de Europa
Memoria
Do común dos santos (relixiosos)
PRIMEIRA Prov 2, 1-9
Dispón o teu corazón para coñece-la prudencia
PROCLAMACIÓN DA PALABRA RECOLLIDA NO LIBRO DOS PROVERBIOS
2 1Meu fillo, se te aprópia-los meus ditos
e atesóura-los meus mandatos
2dando oído á Sabiduría,
inclinando o teu ánimo ó discernimento;
3certo, se chamas pola intelixencia
e reclamas con berros a razón,
4se a procuras como farías coa prata
e cavas por ela coma por un tesouro,
5entenderás entón o temor do Señor
e atoparaste co coñecemento de Deus;
6pois é o Señor quen dá a Sabiduría,
da súa boca chegan a ciencia e a intelixencia;
7reserva el a competencia para os honrados,
é un escudo para os de conducta sen chata,
8gardando os vieiros da xustiza
e coidando o camiño dos seus fieis.
9Distinguirás entón o dereito, a xustiza
e boa lei: tódalas xeiras da felicidade;
SAL. RESP. Sal 33, 2-3. 4-5. 6-7. 8-9. 10-11 n. 739, 5
ALELUIA Mt 5, 3 ... n. 741, 1
EVANXEO Mt 19, 27-29 ... n. 742, 9
598
Dí 13 de xullo
San Henrique
Do común dos santos
PRIMEIRA Miq 6, 6-8 ... n. 737, 17
SAL. RESP. Sal 1, 1-2. 3. 4 e 6 ... n. 739, 1
ALELUIA Xn 14, 23 ... n. 741, 11
EVANXEO Mt 7, 21-27 ... n. 742, 3
599
Día 14 de xullo
San Camilo de Lelis, presbítero
Do común dos santos (que realizaron obras de misericordia)
PRIMEIRA 1 Xn 3, 14-18 ... n. 740, 16
SAL. RESP. Sal 111, 1-2. 3-4. 5-7a. 7b-8. 9 n. 739, 7
ALELUIA Xn 13, 34 ... n. 741, 10
EVANXEO Xn 15, 9-17 ... n. 742, 25
600
Día 15 de xullo
San Boaventura, bispo e doutor da Igrexa
Do común dos pastores ou dos doutores da Igrexa
PRIMEIRA Ef 3, 14-19 ... n. 740, 7
SAL. RESP. Sal 118, 9. 10. 11. 12. 13. 14 ... n. 727,3
ALELUIA Mt 23, 9b. 10b ... n. 723, 1
EVANXEO Mt 23, 8-12 ... n. 724, 3
601
Día 16 de xullo
Nosa Señora do Carme
Memoria
Do común da Virxe Santa María
PRIMEIRA Zac 2, 14-17 ... n. 707, 11
SAL. RESP. Lc 1, 46-47. 48-49. 50-51. 52-53.54-55 ... n. 709, 5
ALELUIA Lc 11, 28 ... n. 711, 4
EVANXEO Mt 12, 46-50 ... n. 712, 3
Día 20 de xullo
Beato Xosé María Díaz Sanxurxo, bispo e mártir
Na diócese de Lugo, memoria
Do común dos mártires ou dos pastores (misioneiros)
602
Día 21 de xullo
San Lourenzo de Bríndisi, presbítero e doutor da Igrexa
Do común dso pastores ou dos doutores da Igrexa
PRIMEIRA 2 Cor 4, 1-2. 5-7 ... n. 722, 6
SAL. RESP. Sal 39, 2 e 4ab. 7-8a. 8b-9. 10 ... n. 721,3
ALELUIA n. 729, 8
EVANXEO Mc 4, 1-10. 13-20 ... n. 730, 5
603
Día 22 de xullo
Santa María Madalena
Memoria
O Evanxeo desta memoria é propio
PRIMEIRA Cant 3, 1-4a
Encontrei ó amado da miña alma
PROCLAMACIÓN DA PALABRA RECOLLIDA NO LIBRO DO CANTAR DOS CANTARES
Di a esposa:
3 1-Sobre o leito, de noite,
busquei a quen ben quería.
Busqueino e non o atopei.
2"¡Heime erguer e ronda-la vila,
polas rúas, polas prazas,
buscar hei a quen ben quería!".
¡Busqueino e non o atopei!
3Encontráronme a min os gardas,
os que rondan a vila:
"¿Vistes a quen ben quería?".
4Apenas eu os deixara
e encontrei a quen ben quería
Ou: 2 Cor 5, 14-17
Agora xa non coñecemos a Cristo segundo a carne
PROCLAMACIÓN DA PALABRA RECOLLIDA NA SEGUNDA CARTA DE SAN PAULO
APÓSTOLO ÓS CORINTIOS
Irmáns e irmás:
14É o amor de Cristo o que nos preme, cando pensamos que, ó morrer un por todos,
morreron todos; 15El morreu por todos, a fin de que os que viven xa non vivan para si,
senón para o que morreu e resucitou por eles.
16Por iso, nós xa non aprezamos a ninguén conforme a criterios mundanos; aínda que
teñamos coñecido a Cristo conforme a eses criterios, agora xa non o coñecemos así.
17Polo tanto, quen estea en Cristo, é unha criatura nova: o que era vello, pasou. ¿Vedes?
Hai unha realidade nova.
SAL. RESP. Sal 62, 2. 3-4. 5-6. 8-9
R/ (2b) De ti ten sede a miña alma, meu Deus
2Deus, meu Deus, por ti madrugo,
de ti ten sede a miña alma-
por ti devece o meu corpo,
en terra reseca, sedento e sen auga.
3Miro cara a ti no santuario,
para ve-lo teu poder e a túa gloria.
4O teu amor é mellor cá vida
lóuvante os meus labios;
5toda a miña vida te bendigo
e levanto no teu nome as miñas mans.
6Como de graxa e manteiga, estou satisfeito,
con labios alegres lóuvate a miña boca.
8Ti e-lo meu auxilio,
á sombra das túas ás estou contento;
9a ti está unida a miña alma,
a túa dereita é o meu apoio.
ALELUIA
Dinos, María, ¿qué viches no camiño?
O sepulcro vin de Cristo vivo,
a gloria vin do resucitado
EVANXEO Xn 20, 1-2. 11-18
Muller, ¿por qué choras? ¿A quén buscas?
PROCLAMACIÓN DO SANTO EVANXEO SEGUNDO XOÁN
20 1O día primeiro da semana María a Magdalena foi ó sepulcro moi cedo, cando aínda
era escuro, e viu que a pedra do sepulcro estaba quitada. 2Botou a correr e, chegando
onda Simón Pedro e onda o outro discípulo a quen amaba Xesús, díxolles:
-Colleron do sepulcro ó Señor, e non sabemos onde o puxeron.
11Mentres tanto, María quedara ó pé do sepulcro, na parte de fóra, chorando. Sen deixar
de chorar, abaixouse a ollar no sepulcro. 12Viu dous anxos de branco, sentados, un á
cabeceira e outro ós pés do sitio onde xacera o corpo de Xesús.
13Eles preguntáronlle:
-Muller, ¿por que choras?
Ela respondeulles:
-Porque colleron ó meu Señor e non sei onde o puxeron.
14Dito isto, virouse cara atrás e viu a Xesús alí de pé, pero sen se decatar de que era
Xesús. 15Xesús preguntoulle:
-Muller, ¿por que choras? ¿A quen buscas?
Ela, coidando que era o xardineiro, díxolle:
-Señor, se o levaches ti, dime onde o puxeches, que eu o collerei.
16Xesús díxolle:
-¡María!
Ela, virándose, exclamou en hebreo:
-''¡Rabbuni!'' (que quere dicir ''Mes-tre'').
17Xesús díxolle:
-Sóltame, que aínda non subín onda o Pai; máis ben, vai onda os meus irmáns e dilles:
''Subo onda meu Pai e voso Pai, o meu Deus e o voso Deus''.
18María Magdalena foilles contar ós discípulos que vira o Señor, e que lle dixera estas
cousas.
604
Día 23 de xullo
Santa Bríxida, relixiosa
Do común das santas (relixiosas)
PRIMEIRA Gal 2, 19-20 ... n. 740, 5
SAL. RESP. Sal 33, 2-3. 4-5. 6-7. 8-9. 10-11 n. 739, 5
ALELUIA Xn 15, 9b. 5b ... n. 741, 13
EVANXEO Xn 15, 1-18 ... n. 742, 24
605
Día 25 de xullo
SANTIAGO, APÓSTOLO, PATRONO DE ESPAÑA
Solemnidade
PRIMEIRA 2 Cor 4, 7-15
Sempre levamos no noso corpo a pasión de Cristo
PROCLAMACIÓN DA PALABRA RECOLLIDA NA SEGUNDA CARTA DE SAN PAULO
APÓSTOLO ÓS CORINTIOS
Irmáns e irmás:
7levamos ese tesouro en vasos de barro. E así esa forza tan extraordinaria aparece como
forza de Deus, e non nosa. 8Aprétannos por todas partes, mais non nos esmagan;
andamos en apuros mais non desesperados; 9andamos perseguidos pero non
abandonados; derrúbannos pero non nos rematan. 10Por todas partes levamos no noso
corpo a morte de Xesús, para que a vida de Xesús se manifeste tamén no noso corpo.
11Porque a nós, estando vivos, entrégannos decote á morte por causa de Xesús, para que
tamén a vida de Xesús se manifeste na nosa carne mortal. 12E así a morte actúa en nós,
e a vida en vós.
13Mantendo, sen embargo, o mesmo espírito de fe, segundo o que está escrito ''creo e
por iso falo'', tamén nós cremos e por iso falamos. 14Porque sabemos que Aquel que
resucitou a Xesús nos ha resucitar tamén a nós con Xesús e nos ha colocar convosco
onda El. 15Todo isto acontece por causa vosa, de modo que, ó estenderse a gracia, se
multiplique o número dos agradecidos, para gloria de Deus.
SAL. RESP. Sal 125, 1-2ab. 2cd-3. 4-5. 6
R/ (5): Os que entre bágoas sementan,
entre cantares recollen.
Cando vire o Señor a sorte de Sión,
estaremos coma en soños.
2Terémo-la boca chea de risos
e a lingua de cantares.
3Os pagáns dirán entón:
--"O Señor fai con eles cousas grandes".
O Señor fai connosco cousas grandes,
estamos cheos de alegría.
4Vira, Señor, a nosa sorte,
coma os regatos no deserto.
5Os que entre bágoas sementan,
entre cantares recollen.
6Cando van, van chorando
os que levan a semente.
Ó viren, veñen cantando
os que traen os monllos.
ALELUIA Cf Xn 15, 16
Eu escollinvos para que vaiades e levedes
froito e o voso froito permaneza, di o Señor
EVANXEO Mt 20, 20-28
O meu caliz habédelo beber
PROCLAMACIÓN DO SANTO EVANXEO SEGUNDO MATEO
20Achegóuselle a Xesús a nai dos fillos do Zebedeo cos seus fillos, postrándose para
pedirlle algo. 21El preguntoulle:
-¿Que queres?
Respondeulle:
-Manda que estes dous fillos meus senten un á túa dereita e outro á túa esquerda no teu
Reino.
22Respondeulle Xesús:
-Non sabéde-lo que pedides. ¿Poderedes bebe-lo cáliz que eu teño que beber?
Respondéronlle:
-Podemos.
23Xesús replicou:
-O meu cáliz beberédelo; pero o sentar á miña dereita ou á miña esquerda, iso non
depende de min concedelo: é para quen o meu Pai o ten preparado.
24O escoitaren isto os outros dez, anoxáronse todos cos dous irmáns. 25Entón Xesús
chamou por eles e díxolles:
-Xa sabedes que os xefes dos pobos os tiranizan, e os poderosos os asoballan. 26Pero
entre vós non pode ser así. Nin moito menos: quen queira ser importante, que sirva ós
demais; 27e quen queira se-lo primeiro, que sexa o máis servicial; 28porque o Fillo do
Home non veu a que o sirvan, senón a servir e a entrega-la súa vida en rescate por todos.
606
Día 26 de xullo
Santos Xoaquín e Ana, pais da Virxe María
Memoria
PRIMEIRA Sir 44, 1. 10-15
O seu nome perdura por xeracións de xeración
PROCLAMACIÓN DA PALABRA RECOLLIDA NO LIBRO DO ECLESIÁSTICO
44 1Farei louvanza dos homes de ben,
dos nosos devanceiros, pola súa orde;
10Mais estes foron homes virtuosos
e a súa esperanza non tivo fin;
11na súa prole mantense a felicidade
e a súa herdanza chega ata ós seus netos;
12os descendentes manteñen os seus compromisos
e, polo medio deles, tamén os netos;
13a súa lembranza permanece eternamente,
non se borrará a súa caridade;
14o seu corpo foi enterrado en paz,
a súa sona vive por idades sen término;
15a súa Sabiduría cóntaa a comunidade,
o seu louvor repíteo a asemblea.
SAL. RESP. Sal 131, 11. 13-14. 17-18
R/ (Lc 1, 32a) O Señor Deus daralle a sé de David seu pai
11O Señor xuroulle a David
--promesa da que non renega--:
--"Prole da túa liñaxe
porei sobre o teu trono.
13O Señor elixiu a Sión
e quíxoa por morada:
14--"Esta será para sempre a miña casa,
habitarei nela, porque a quero.
17Alí farei florece-lo vigor de David,
acendereille ó meu unxido unha lámpada.
18Cubrirei de confusión os inimigos,
mentres brilla sobre el a diadema".
ALELUIA Cf Lc 2, 25c
Esperaban a consolación de Israel
e o Espírito Santo estaba neles
EVANXEO Mt 13, 16-17
Moitos profetas e xustos quixeron ve-lo que vós vedes
PROCLAMACIÓN DO SANTO EVANXEO SEGUNDO MATEO
Dilles Xesús ós seus discípulos:
16¡Ditosos os vosos ollos, porque ven; e mailos vosos oídos, porque oen! 17Pois
asegúrovos que moitos profetas e xustos arelaron ve-lo que vós vedes, e non o viron; oí-
lo que vos oídes, e non o oíron.
607
Día 29 de xullo
Santa Marta
Memoria
O Evanxeo desta memoria é propio
Do común das santas
PRIMEIRA 1 Xn 4, 7-16 ... n. 740, 17
SAL. RESP. Sal 33, 2-3. 4-5. 6-7. 8-9. 10-11 n. 739, 5
ALELUIA Xn 8, 12 ... n. 741, 8
EVANXEO Xn 11, 19-27
Eu creo que ti e-lo Cristo Fillo de Deus
PROCLAMACIÓN DO SANTO EVANXEO SEGUNDO XOÁN
Moitos dos xudeus foran onda Marta e María para lles daren o pésame polo irmán.
20Cando oíu Marta que Xesús estaba chegando, saíulle ó encontro. María, en cambio,
quedou na casa. 21Díxolle entón Marta a Xesús:
-Señor, se ti estiveses aquí, meu irmán non morrería; 22pero eu sei que, aínda agora,
Deus che concederá calquera cousa que lle pidas.
23Xesús díxolle:
-Teu irmán resucitará.
24Marta respondeulle:
-Ben sei que resucitará na resurrección, no día derradeiro.
25Díxolle Xesús:
-Eu son a resurrección e a vida. Quen cre en min, anque morra, vivirá; 26e todo o que
vive e cre en min, non morrerá endexamais ¿Cres ti isto?
27Ela respondeu:
-Si, Señor: eu creo que ti e-lo Cristo, o Fillo de Deus, que había de vir ó mundo.
Ou: Lc 10, 38-42
Marta, Marta, moi preocupada andas por demasiadas cousas
PROCLAMACIÓN DO SANTO EVANXEO SEGUNDO LUCAS
Xesús entrou en certa aldea, e unha muller chamada Marta acolleuno na súa casa.
39Esta tiña unha irmá chamada María, que sentada ós pés do Señor, escoitaba as súas
palabras. 40Marta, en troques, estaba moi apurada co labor da casa; e achegándose a el,
díxolle:
-Señor, ¿non che importa que a miña irmá me deixe a min o traballo? Dille que me bote
unha man.
41Pero o Señor respondeulle:
-Marta, Marta, preocúpaste e desacóugaste con tantas cousas, 42pero soamente unha é a
necesaria. María escolleu a mellor parte, e esa nunca se lle vai quitar.
608
San Pedro Crisólogo, bispo e doutor da Igrexa
Do común dos pastores ou doutores da Igrexa
PRIMEIRA Ef 3, 8-12 ... n. 728, 4
SAL. RESP. Sal 118, 9. 10. 11. 12. 13. 14 ... n. 727, 3
ALELUIA Xn 15, 5 ... n. 729, 4
EVANXEO Lc 6, 43-45 ... n. 730, 6
609
Día 31 de xullo
San Ignacio de Loiola, presbítero
Memoria
Do común dos pastores, ou dos santos (relixiosos)
PRIMEIRA 1 Cor 10, 31 - 11, 1
Facede todo para gloria de Deus
PROCLAMACIÓN DA PALABRA RECOLLIDA NA PRIMEIRA CARTA DE SAN PAULO
APÓSTOLO ÓS CORINTIOS
Irmáns e irmás:
Tanto que comades, coma que bebades, coma calquera cousa que fagades, facédeo todo
para gloria de Deus. 32Non sexades tropezo nin para os xudeus, nin para os gregos, nin
para a Igrexa de Deus.
33Así tamén eu procuro agradar a todos en todo, non buscando a miña comenencia,
senón a da maioría, para que se salven.
11 1Procurade imitarme a min, como eu imito a Cristo.
SAL. RESP. Sal 33, 2-3. 4-5. 6-7. 8-9. 10-11 n. 739, 5
ALELUIA Mt 5, 3 ... n. 741, 1
EVANXEO Lc 14, 25-33 ... n. 742, 23