Coresma
ESQUEMA VIXILIA CORESMA 2011
“A viño novo, odres novos” (Mt 9, 17)
Despois do ensaio de cantos, e para empezar a Vixilia, apagaranse as luces e soando música relaxante de fondo un animador contará a seguinte narración:
1.- DÍA OU NOITE?
"Día ou noite?" Preguntou un mestre aos seus discípulos para ver se saberían dicir cando acababa a noite e empezaba o día.
Un deles díxolle: "Cando ves un animal a distancia e podes distinguir se é unha vaca o un cabalo".
"Non", dixo o mestre.
Outro díxolle: "Cando miras unha árbore a distancia podes distinguir se é un mango o unha laranxeira".
"Tampouco" dixo o mestre.
"Está ben", dixéronlle os discípulos, "dinos cando é".
Ao que o mestre respondeu: "Cando miras a un home ao rostro e recoñeces nel a teu irmán; cando miras á cara dunha muller e recoñeces nela a túa irmá. Se no es capaz disto, daquela, sexa a hora que sexa, para ti... aínda é de noite!".
Despois da narración o animador 2 dará a benvida a este segundo encontro de grupos e familias, retomando e facendo preguntas sobre a narración que acabamos de escoitar.
Cando o crea conveniente, dará por rematado este momento cantando o canto de entrada.
2.- CANTO DE ENTRADA:
¿ONDE VIVES, ONDE MORAS?
( Encontro de Música en Pontevedra)
¿Onde vives, onde moras?, dimo ti, Señor.
Quero ollarte, quero oírte sempre a ti Señor.
1. Ven comigo, sigue os meus pasos, ven comigo e o verás.
Ven comigo, sigue a chamada, ven comigo e alí quedarás.
2. Ven comigo, deixa a túa casa, ven comigo, escóitame;
ven comigo, se queres verme, ven comigo e alí quedarás.
Vamos todos, vamos xuntos, vamos xa con El.
Que nos chama, que nos guía que nos quer con El.
3.- QUÉ NOS TOCA O CORAZÓN? QUE REALIDADES, COUSAS E NOTICIAS NOS PREOCUPAN?
Nós temos cousas boas e malas, se traballamos e intentamos vivir co bo e o malo, ao final a vasilla ROMPE.
Intervirán os grupos de 1º de ESO e de 1º de BACH, e o que compartirán será:
- Que lles toca o corazón?
- Que realidades, cousas e noticias lles preocupan?
Á vez que compartan, meterán nunha vasilla medio rota pelotas de escuma ata que a vasilla se rompa, ou senón, facer que se rompa.
Intervirán os grupos de 1º de ESO, cantarase a antífona, e despois os de 1º de BACH, e cantarase de novo a antífona.
Antífona: “Nada nos separará, nada nos separará, nasa nos separará do amor de Deus” (bis).
4.- ESCOITAMOS:
Introdución: o animador 3
A lectura faraa un/ha rapaz/rapaza dun grupo do colexio.
““Achegáronselle daquela os discípulos de Xoán e preguntáronlle: «Porque nosoutros e os fariseos xaxuamos, e os teus discípulos non xaxúan?» Xesús contestoulles:
É que poden estar tristes os amigos do noivo mentres el está con eles? Chegará un día en que lles quitarán o noivo; entón xaxuarán. Ninguén pon un remendo de pano novo nun vestido vello, porque o engadido tirará do vestido e a rachadura farase maior. Tampouco se bota viño novo en odres vellos, porque os odres rebentan, o vino derrámase, e pérdense os odres. O viño novo bótase en odres novos, e así consérvanse os dous”
Mt 9, 14 – 17 ”
5.- FACEMOS VASILLAS NOVAS.
Momento reflexión en gran grupo recollendo os ecos da lectura.
5 persoas farán unha “medio” vasilla, que quedará sen terminar porque para terminala está a Coresma.
AS PERSOAS SERÁN: UN DE 6º, UN DE 2º, UN DE 4º, UN DE 1º UNI E BRUNO. Farase a “medio” vasilla no momento seguinte.
As luces estarán todas apagadas, menos a do altar, para focalizar a atención alí. (Música para a reflexión)
AQUÍ ESTOU, SEÑOR
Aquí estou, Señor,
pra face-la túa vontade,
veño a renovar diante de Tí,
a fidelidade.
Cólleme nos teus brazos, Tí é-lo meu ben Señor.
Presíntote pretiño coma fonte de amor,
e douche a miña vida, dame Tí a salvación:
Tómame a min, coa miña historia, Señor.
Vou malgastando a vida en tantas cousas, quizais.
Máis tan só unha delas se precisa pra andar:
Escoita-la Palabra. Despois rezarche así:
Tómame a min, coa miña historia, Señor.
Fai que non me avergonce de invocarte, Señor;
de dicirche confiado que Tí é-lo meu Deus.
Quero manter na loita valente o corazón:
Tómame a min, coa miña historia, Señor.
Recoñezo que, as veces, contra Tí eu pequei,
sen cumpli-la palabra deixei de che ser fiel.
Non rexeitas agora esta ofrenda de amor:
Tómame a min, coa miña historia, Señor.
6.- O NOSO COMPROMISO.
Anímate a camiñar intensamente
estes corenta días para a conversión,
para producir o cambio;
para pasar da morte á vida,
do egoísmo ao amor,
do odio ao perdón,
do rancor á reconciliación,
da covardía á coraxe,
do medo á valentía,
da escravitude á liberdade,
da inxustiza á xustiza,
do desalento á esperanza,
da indiferenza ao compromiso,
da escuridade á luz,
da mentira á verdade,
da estupidez á sabedoría,
do menos humano ao máis humano,
do humano ao divino...
8.- SEGUIMOS CONSTRUÍNDO XUNTOS
Antes de rematar, recordar os momentos de encontro que imos ter para seguir construíndo a vasilla:.
ESCOITANDO A TÚA VOZ
(Encontros de Música en Pontevedra)
Imos escoitar sempre a túa voz
para que a xustiza do teu Reino veña a nós (bis).
1. A palabra que nos falas é semente principal
de onde abrolla o teu reinado de xustiza, amor e paz.
2. Xesucristo na ribeira pescadores escolleu
e chamounos a viviren vida nova cabo del.
MATERIAL:
- Conto / historia do principio.
- CD de música tranquila.
- Cantos.
- Vasilla, rota.
- Arxila.
- Avisar ás persoas para facer as vasillas.
- Canción para escoitar de Sor Glenda.
- Salmo.
- Pelotas.
- Un paquete de globos.
- Ceras Manley.
- Un calendario.
- Un reloxo espertador.
- Folla para os grupos que lles toca participar.
- Folla vixilia.
- Folla invitación aos pais.
- Ambientación / decoración da capela. (letras, vasillas, …..)
Compartido polo colexio La Salle de Santiago de Compostela